༄༅།། ཀ་མད་སུམ་ཅུའི་དྲི་བ་དྲི་ལན།
28/07/2011 11:08
ཀ། བོད་ཀྱི་ཡི་གེ་གསལ་བྱེད་ག་ཚོད་ཡོད་རེད།
ཁ། བོད་ཀྱི་ཡི་གེར་གསལ་བྱེད་སུམ་ཅུ་ཡོད་རེད།
ཀ་ཁ་ག་ང་། ཅ་ཆ་ཇ་ཉ། ཏ་ཐ་ད་ན། པ་ཕ་བ་མ། ཙ་ཚ་ཛ་ཝ།
ཞ་ཟ་འ་ཡ། ར་ལ་ཤ་ས། ཧ་ཨ།
ཀ། གསལ་བྱེད་ཀ་སོགས་སུམ་ཅུ་ཡོད་ན།
རྗེས་འཇུག་ཡི་གེ་ག་ཚོད་ཡོད་རེད།
ཁ། ཀ་སོགས་གསལ་བྱེད་སུམ་ཅུའི་ནང་ནས།།
ག་ང་ད་ན་བ་མ་འ་དང་།
ར་ལ་ས་རྣམས་རྗེས་འཇུག་ཡིན་ནོ།།
ཀ། རྗེས་འཇུག་ཡི་གེ་བཅུ་རང་ཡོད་ན།
སྔོན་འཇུག་ཡི་གེ་ག་ཚོད་ཡོད་རེད།
ཁ། རྗེས་འཇུག་ཡི་གེ་བཅུ་ཡི་ནང་ནས།
ག་ད་བ་མ་འ་སྔ་བོ།
སྔོན་དུ་འཇུག་པའི་ཡི་གེ་ཡིན་ནོ།
ཀ། སྔོན་འཇུག་ཡི་གེ་ལྔ་རང་ཡིན་ན།
ཡང་འཇུག་ཡི་གེ་ག་ཚོད་ཡོད་རེད།
ཁ། སྔོན་འཇུག་ཡི་གེ་ལྔ་ཡི་ནང་ནས།།
ད་ས་གཉིས་ཀྱི་ཡི་གེ་གཉིས་པོ།
ཡང་འཇུག་ཡི་གེ་གཉིས་རང་ཡིན་ནོ།