གསང་སྤྱོད་མ་རྙེད་པ།

24/07/2016 20:41

གསང་སྤྱོད་མ་རྙེད་པ།

 

༄།། ས་ལེ་རྒྱལ་ཁ་ན་ཊར་སླེབས་པའི་ནུབ་དེར། ཁོའི་ཆུང་མའི་ཨ་མའི་ནང་དུ་ནུབ་ཇ་འཐུང་དུ་སོང་བ་རེད། ཁོང་ཚོས་ནུབ་ཇ་འཐུང་ཞོར་དུ་ཟས་རིགས་དང་འབྲེལ་བའི་ལབ་གླེང་བྱས། ཁོ་ན་རེ། ང་འཆི་ནའང་། རྒྱ་མཚོའི་ནང་གི་འབུ་རིགས་ཟ་མི་སྲིད་ཅེས་བཤད།

 

ཁོའི་ཆུང་མའི་ཨ་མ་དོག་མི་བདེ་བར་ཁོའི་གདོང་ལ་ཅེར་ནས་བསྡད་ཡོད་པ་རེད། རྒྱུ་མཚན་ནི། ཁོས་རྔམ་འཐུང་བྱེད་བཞིན་པའི་ཟ་མ་དེ་ནི་འབུ་དག་དག་ཡིན་པ་རེད།

 

ཁོང་ཚོས་ནུབ་ཇ་འཐུང་ཚར་བ་དང་། ཁོ་གསང་སྤྱོད་ནང་དུ་གཅིན་པ་གཏོང་དུ་སོང་། ཁོས་སྔོན་ཆད་སྡོད་སྟེགས་གསང་སྤྱོད་མཐོང་མྱོང་མེད་པ་དང་། ལྷག་པར་ཁ་ལེབ་སྟེང་ལ་ས་གདན་ཆུང་ཆུང་བཀབ་ཡོད་པས། ཁོས་གསང་སྤྱོད་མ་རྙེད་པ་རེད། 

 

དེ་ནས་ཁོས་ཁྲུས་གཞོང་མཐོང་སྟེ། སེམས་ལ། ཕྱི་རྒྱལ་གྱི་གསང་སྤྱོད་དེ་ཇི་འདྲའི་སྟབས་ལེགས་མེད་པ་ཞིག་རེད་བསམ་པ་དང་།  ཁྲུས་གཞོང་ནང་དུ་གཅིན་པ་བཏང་བ་རེད། 

 
མཁས་གྲུབ་གྱིས་བྲིས་པ་དང་། ལྕགས་མོ་འཚོས་ལེགས་བཅོས་བྱས།

Topic: གསང་སྤྱོད་མ་སྙེད་པ།

No comments found.

New comment