༄༅།། ཉིན་རེའི་འཚོ་བའི་ནང་ཕ་མས་བྱིས་པར་བོད་སྐད་སློབ་པའི་ཐབས་ཤེས་བཅོ་བརྒྱད།

༄༅།། ཉིན་རེའི་འཚོ་བའི་ནང་ཕ་མས་བྱིས་པར་བོད་སྐད་སློབ་པའི་ཐབས་ཤེས་བཅོ་བརྒྱད།

༄༅།། ཉིན་རེའི་འཚོ་བའི་ནང་ཕ་མས་བྱིས་པར་བོད་སྐད་སློབ་པའི་ཐབས་ཤེས་བཅོ་བརྒྱད།

 

༡ བཟོད་བསྲན་དང་སྙིང་རུས་ཡོད་དགོས།

 

 ༢ ཕ་མ་གཉིས་ཐུན་མོང་གི་འབད་བརྩོན་ལ་བརྟེན་ཏེ་ཁྱིམ་ཚང་ནང་དུ་བོད་སྐད་བཤད་སའི་ཁོར་ཡུག་ཅིག་བསྐྲུན་པ་དང་། བྱིས་པའི་རྒྱུད་ལ་བོད་སྐད་བཤད་པའི་གོམས་གཤིས་རྒྱུན་འཇགས་བྱ་དགོས།

 

 ༣ ཕ་མ་གཉིས་ཀྱི་ནང་ནས་གཅིག་གིས་མ་གཏོགས། བོད་སྐད་ཡག་པོ་མཁྱེན་གྱི་མེད་ན། བོད་སྐད་ཡག་པོ་ཤེས་མཁན་དེས་བྱིས་པར་བོད་སྐད་ཁོ་ན་བཤད་པ་ལས། བྱིས་པའི་ཁོར་ཡུག་ནས་སྐད་རིགས་གཞན་པ་རྩ་བ་ནས་བཤད་མི་ཉན། 

 

 བྱིས་པའི་དགའ་ཕྱོགས་དང་སེམས་ཁམས་ལ་རྒྱུས་ལོན་བྱས་ཏེ། མཐོང་ཐོས་མྱོང་གསུམ་གྱི་བྱ་བསྣ་ཚོགས་བརྒྱུད་ནས་བྱིས་པའི་རྒྱུད་ལ་བོད་སྐད་བཤད་པའི་གོམས་གཤིས་བརྟན་པོ་ཆགས་སུ་འཇུག་དགོས།

 

 བྱིས་པ་དང་ལྷན་དུ་དུས་ཚོད་མང་པོ་བཀོལ་ནས་མཉམ་དུ་བྱེད་སྒོ་མང་པོ་ལ་ཞུགས་དགོས། བྱེད་སྒོ་དེ་དག་དང་འབྲེལ་བའི་སྐད་ཆ་མང་པོ་བཤད་དགོས། ཐ་སྙད་གསར་བ་རྣམས་ཡང་ནས་ཡང་དུ་བསྐྱར་བཟློས་བྱ་དགོས།

 

༦ བོད་ཀྱི་སྐད་ཡིག་སློབ་པའི་སྐབས་སུ། བྱིས་པའི་སེམས་ལ་སྤྲོ་སྣང་འཕེལ་བའི་རྩེད་མོ་འདྲ་མིན་རྩེས་ཏེ་སུན་སྣང་སྐྱེ་རུ་འཇུག་མི་ཉན། བྱིས་པའི་སེམས་ལ་སུན་སྣང་སྐྱེ་བའི་སྐབས་སུ། ངལ་གསོ་རུ་འཇུག་པ་ལས་ཨུ་ཚུགས་བྱེད་མི་ཉན།

 

 ༧ གཟའ་མཇུག་གི་གུང་གསེང་སྐབས་སུ། བྱིས་པ་ཁོར་ཡུག་གསར་བ་རེ་རེ་ལ་ཁྲིད་དེ་ ཁོར་ཡུག་དང་འབྲེལ་བའི་མིང་ཚིག་གསར་བ་རྣམས་ངོ་སྤྲོད་བྱེད་དགོས།

 

 ༨  བྱིས་པས་བོད་སྐད་ཀྱི་ཐ་སྙད་རེ་བཤད་ཤེས་དུས་སྟོད་བསྔགས་བྱེད་པ་དང་བྱ་དགའ་སྤྲོད་དགོས། བྱིས་པ་དང་ལྷན་དུ་བོད་སྐད་ཐོག་ཁ་བརྡ་བྱེད་པའི་བརྒྱུད་རིམ་ཁྲོདབྱིས་པར་དམིགས་བསལ་གྱི་དབང་ཆ་སྤྲད་ན། བྱིས་པའི་རྒྱུད་ལ་བོད་སྐད་བཤད་པའི་སྤོབས་པ་སྐྱེ་བ་དང་སྤྲོ་སྣང་ཡོང་བར་ཕན་ཐོགས་ཡོད།

 

༩ བྱིས་པ་སུན་སྣང་སྐྱེ་པའི་སྐབས་སུ་ཨུ་ཚུགས་བྱེད་མི་ཉན་ལ། བཙན་དབང་རྩ་བ་ནས་བྱེད་མི་ཉན།

 

 ༡༠ བྱིས་པར་དམའ་འབེབས་ཀྱི་སྐད་ཆ་བཤད་དེ་བྱིས་པའི་སེམས་ཤུགས་རྩ་བ་ནས་གཅོག་མི་ཉན།

 

 ༡༡ ཁོམ་ལོང་མེད་པའི་ཕ་མ་ཞིག་ཡིན་ན། ཕ་སྐད་གཙང་མ་བཤད་ཤེས་པའི་མི་ཞིག་གིས་བྱིས་པར་ལྟ་སྐྱོང་བྱེད་དུ་འཇུག་དགོས།

 

 ༡༢ ཕ་སྐད་གཙང་མ་བཤད་མཁན་གྱི་ཁོར་ཡུག་ལ་བྱིས་པ་ཡང་ཡང་འཁྲིད་དེ། བོད་སྐད་ལ་ཉན་པ་དང་བཤད་སའི་ཁོར་ཡུག་ངོ་སྤྲོད་བྱེད་དགོས། 

 

 ༡༣ བྱིས་པར་བོད་སྐད་བཤད་དུས་སྤྲོ་སྣང་དང་སེམས་འགུལ་ཐེབས་སུ་འཇུག་ཆེད། འགྲན་རྩོད་ཀྱི་རང་བཞིན་ལྡན་པའི་རྩེད་མོ་རྩེས་ཏེ་ཚམས་ཚམས་སུ་བྱིས་པ་རྒྱལ་དུ་འཇུག་དགོས།  བྱིས་པའི་ཉལ་ཁང་གི་དཔེ་སྒྲོམ་དུ་དཔེ་ཆ་མང་པོ་འཇོག་པ་དང་། བྱིས་པའི་རྒྱུད་ལ་དཔེ་ཀློག་གི་གོམས་གཤིས་བསྐྲུན་ཆེད། ཕ་མས་དཔེ་ཆ་མང་པོ་ཀློག་ནས་དཔེ་སྟོན་ཡག་པོ་བྱེད་དགོས། བྱིས་པ་ཉལ་ཁར་དུས་ཚོད་དམ་འཛིན་གྱིས། གོ་སླ་བའི་བྱིས་སྒྲུང་རྣམས་སེམས་ཚོར་ཡོད་པའི་ཐོག་ནས་སྐད་གདེངས་མཐོན་པོར་ཀློག་དགོས།

 

 ༡༤ བོད་སྐད་ཀྱི་བརྙན་འཕྲིན་འདྲ་མིན་ལ་ལྟ་རུ་འཇུག་པ་དང་། རླུང་འཕྲིན་ལ་ཉན་དུ་འཇུག་དགོས།

 

 ༡༥  གཟའ་ཉི་མའི་བོད་ཡིག་སློབ་གྲྭ་རུ་བསྐྱལ་བ་དང་། གླུ་དང་ཞབས་བྲོའི་དགེ་རྒན་བཙལ་ཏེ་གླུ་གཞས་ཀྱི་ལམ་ནས་བོད་སྐད་སློབ་དགོས།

 

 ༡༦ བོད་ཀྱི་སྐད་ཡིག་ལ་མཐོང་ཆེན་བྱེད་པའི་མི་ལ་གྲོགས་བསྒྲིགས་པ་དང་བོད་སྐད་ཡག་པོ་བཤད་ཤེས་པའི་བྱིས་པ་རྣམས་དང་ལྷན་དུ་ཡང་ནས་ཡང་དུ་ཐུག་སྟེ་རྩེད་མོ་རྩེ་རུ་འཇུག་དགོས།

 

 ༡༧ ང་ཚོ་ནང་པ་ཡིན་དུས། ཞོགས་པར་སྐྱབས་འགྲོ་འདོན་པ་དང་། དགོང་མོར་སྨོན་ལམ་འདོན་པ། གསོལ་ཇ་མཆོད་དུས་ཇ་མཆོད་འདོན་པའི་སྲོལ་བཟང་དེ་རྒྱུན་འཁྱོངས་བྱས་ནས། བྱིས་པའི་རྒྱུད་ལ་ཆོས་དང་སྐད་ཀྱི་བག་ཆགས་འཇོག་དགོས།

 

 ༡༨ གུང་གསེང་སྐབས་སུ་བྱིས་པ་རྒྱ་གར་དང་བོད་ལ་ཁྲིད་དགོས། རབ་ཡིན་ན་ཟླ་བ་ཁ་ཤས་སམ་ལོ་གཅིག་གཉིས་རེར་རྒྱ་གར་དང་བོད་ཀྱི་བོད་ཡིག་སློབ་གྲྭ་རུ་འཇོག་ཐུབ་ན་བཟང་། 

 

 གཡག་རྒོད་རྩོམ་སྒྲིག་ཚོགས་ཆུང་ནས་སྤྱི་ལོ ༢༠༡༤ ལོའི་སྤྱི་ཟླ་ ༢ ཚེས་༡༥་ལ།

 

Topic: ༄༅།། ཉིན་རེའི་འཚོ་བའི་ནང་ཕ་མས་བྱིས་པར་བོད་སྐད་སློབ་པའི་ཐབས་ཤེས་བཅོ་བརྒྱད།

བོད་སྐད

Lobsang Tsultrim | 31/08/2015

ཡག་པོ་འདོག

New comment