བྱིས་པའི་དཔེ་དེབ་གསར་བ།

བྱིས་པའི་དཔེ་དེབ་གསར་བ།

ད་ལོར་ང་ཚོས་ཀ་ཕྲེང་བྱིས་པའི་འཇུག་ངོགས་ཞེས་པའི་ཀ་ཁ་སུམ་ཅུའི་དཔེ་དེབ། རི་མོ་ཅན་ཞིག་དཔར་བསྐྲུན་བྱས་ཏེ། བོད་ནང་དུ་དེབ་གྲངས་༢༠༠༠ རིན་མེད་དུ་བཀྲམ་པ་དང་། རྒྱ་གར་ལྷོ་ཕྱོགས་སུ་ཡོད་པའི་བོད་ཀྱི་སློབ་གྲྭ་ཁག་གི་ནང་དུ་དེབ་གྲངས་༥༠༠ རིན་མེད་དུ་བཀྲམ་ཡོད།

དེབ་འདིའི་དཔར་བསྐྲུན་མ་དངུལ་ཆ་ཚང་ཨ་རིའི་ནེའུ་ཡོག་གྲོང་ཁྱེར་དུ་ཡོད་པའི་རྭ་ཝེལ་བོད་ཀྱི་ཐེབས་རྩ་ཁང་ནས་སྦྱིན་གཏོང་གནང་བ་ཡིན་པས། ཐེབས་རྩ་ཁང་འདི་ལ་སྙིང་ཐག་པ་ནས་བཀའ་དྲིན་ཆེ་ཞུ།

 

བྱིས་པའི་སློབ་གསོའི་བྱ་བཞག་གཉེར་བའི་བརྒྱུད་རིམ་དང་རྒྱུ་ཆ་འཚོལ་ཞིབ་གྱི་ཉམས་མྱོང་ལས་བྱིས་པའི་རྨང་གཞིའི་སློབ་གསོར་དགོས་མཁོ་ཡོད་པའི་དཔེ་དེབ་མང་པོ་དཔར་བསྐྲུན་བྱེད་པ་གལ་གནད་དུ་བཟུང་སྟེ། དཔེ་དེབ་འདི་དཔར་བསྐྲུན་བྱས་པ་ཡིན།


དེབ་འདིའི་འཆར་འགོད་དང་སྒྲིག་སྦྱོར། མདུན་རྒྱབ་ཇུས་འགོད་སོགས་ལས་ཀ་ཚང་མ་ཇོས་ལེས་ཀྱིས་བྱས་པ་ཡིན་པས་ཁོང་ལ་བཀའ་དྲིན་ཆེ་ཞུ།

དཔེ་དེབ་འགྲེམ་སྤེལ་གྱི་ལས་དོན་ལ་རོགས་རམ་གནང་མཁན་རྣམས་ནི། ལྕགས་མོ་འཚོ་དང་། ཇོས་ལེ། ཡང་ཆུང་། བཀྲ་དབང་། དབལ་ལི། རིན་དཔལ་སོགས་ཡིན་པས། ཁོང་རྣམས་ལ་བཀའ་དྲིན་ཆེ་ཞུ།

མིང་དངོས་སུ་འབྲི་མ་བདེ་བའི་དཔེ་དེབ་འགྲེམ་སྤེལ་གྱི་ལས་དོན་ལ་རོགས་སྐྱོར་བྱེད་མཁན་རྣམས་ལའང་བཀའ་དྲིན་ཆེ་ཞུ།

མི་རིགས་ཀྱི་བླ་སྲོག་སྟེ། བོད་ཀྱི་སྐད་ཡིག་རིག་གནས་རྒྱུད་འཛིན་གྱི་བྱ་བཞག་ཁྲོད། སྟོང་ཆ་གཅིག་ལྷག་ཡོད་པ་ནི། ན་ཆུང་བྱིས་པའི་ལོ་ཚོད་དང་མཐུན་པའི་རྨང་གཞིའི་སློབ་གསོའི་ཆ་རྐྱེན་མ་ཚང་བ་དེ་ཡིན་དུས།  ད་ཐེངས་དཔེ་དེབ་འདིའི་ནང་དུ་ཀ་རྐང་རེ་ལ་ཐ་སྙད་རེ་དང་། ཐ་སྙད་རེ་ལ། རི་མོ་རེ་བྲིས་ཏེ་དཔར་དུ་བསྐྲུན་ཡོད་དོ།


དེ་ན་༼ཀ་ཕྲེང་བྱིས་པའི་འཇུག་ངོགས་༽ཞེས་པའི་བྱིས་པའི་དེབ་གྲངས་ཆིག་སྟོང་ལ་ཉེ་བ་ཞིག་གཡག་རྒོད་དྲྭ་ཚིགས་དང་བརྒྱུད་ལམ་འདྲ་མིན་ནས་མི་རིང་བར་ཚོང་འགྲེམ་བྱེད་རྒྱུ་ཡིན་ཞིང་། དེབ་རིན་ཆ་ཚང་གཡག་རྒོད་བོད་ཀྱི་བྱིས་པའི་སློབ་གསོའི་ལས་གཞིའི་རྒྱུན་སྐྱོང་མ་རྩ་རུ་འཇོག་རྒྱུ་ཡིན་པས། ལས་གཞི་འདི་ལ་རྒྱབ་སྐྱོར་གནང་འདོད་ཡོད་མཁན་དང་། དཔེ་དེབ་གྱི་དགོས་མཁོ་ཡོད་མཁན་ཚོས་གཡག་རྒོད་དྲ་བ་བརྒྱུད་དེ་གློག་འཕྲིན་ཁ་བྱང་གཤམ་གསལ་བརྒྱུད་ནས་ང་ཚོར་འབྲེལ་གནང་རོགས།།  

    kidupgyatso@hotmail.com

སྤྱི་ལོ་༢༠༡༤ ལོའི་སྤྱི་ཟླ ་༩་པའི་ཚེས་༡་ ཉིན།

གཡག་རྒོད་དང་བླངས་རྩོམ་སྒྲིག་ཚོགས་ཆུང་ནས།

 

 

Topic: བྱིས་པའི་དཔེ་དེབ་གསར་བ།

No comments found.

New comment