ཕ་ཡུལ་གཙང་ནས་ཡིན་པའི་མི་ཞིག་ལྷ་སར་ཇོ་བོ་མཇལ་བར་ཕྱིན་པ་དང་། དེ་ཉིན་ཆོས་མཇལ་བའི་གྲལ་སྟར་ཁྲོད་དུ་གྲྭ་བཙུན་དང་ཁམས་པ་མང་པོ་མཉམ་དུ་སྟབས་འཁེལ་བས་དེ་དག་གིས་རང་རང་ཤེས་ཚོད་ཀྱིས་སྐྱབས་འགྲོ་དང་སྨོན་ལམ། བསྟོད་པ་ཅི་རིགས་སྐད་ཤུགས་མཐོ་ལ་བར་མ་ཆད་པར་ཞལ་འདོན་བྱས། འོན་ཀྱང་གཙང་གི་ཨ་ཇོ་དེས་ཨོཾ་མ་ཎི་པདྨེ་ཧཱུཾ་ཁོ་ན་ལས་ཤེས་ཀྱི་མེད་པས། སེམས་ལ་ཕྲག་དོག་དང་མི་བདེ་བའི་སྣང་བ་ངང་གིས་སྐྱེས་ཏེ།རང་གི་ལག་ནང་གི་མཆོད་རྐོང་ཆེ་ཙམ་དེར་བལྟ་ཞོར་དུ་ཇོ་བོ་རིན་པོ་ཆེ་མཁྱེན།ཁ་མཁས་ལོས་ལ་མ་གཟིགས་རོགས།མཆོད་རྐོང་ཆེ་ལོས་ལ་གཟིགས་རོགས་གནང་ཞེས་སྨོན་ལམ་བརྒྱབ།།
ས་སྐྱ་བ་བསོད་ཚེས་བསྡུ་སྒྲིག་བྱས།