wildyaks
Wildyaks
>
རྩྭ་ཐང་གི་མེ་ཏོག་རྐང་གཅིག
རྩྭ་ཐང་གི་མེ་ཏོག་རྐང་གཅིག
མེའི་ལང་ཚོ། (གསེར་རྟ།)
རྩྭ་ཐང་ན། བོད་ཀྱི་བུ་མོ་ཚོའི་ལང་ཚོ་སེར་ཆེན་མེ་ཏོག་ལྟར་བཞད་ཀྱི་ཡོད། རྩྭ་ཐང་ན། བོད་ཀྱི་བུ་མོ་ཚོས་སྦྲ་ཁྱིམ་སྨུག་པོར་བཅིངས་པའི་བརྩེ་འདང་ཡོད། དེ་བཞིན། མཐོ་སྒང་གི་ས་ཁུག་ལུང་ཀྱོག་ཀུན་ཏུ་བུ་མོ་ཚོར་རྨི་ལམ་རེ་སྦྲུམ་བཞིན་འཚོ་གིན་ཡོད།
ཡིན་ཡང་། ཅི་ཞིག་ལ་བུ་མོ་ཚོར་རང་གི་དགའ་ཕྱོགས་སྒྲུབ་པར་ཆོག་མཆན་མང་པོ་ཐོབ་དགོས་སོང་བ་རེད། ཅིའི་ཕྱིར་དུ་སྤྱི་ཚོགས་ཁྲོད་ཀྱི་མི་དྲག་གང་རུང་གིས་བུ་མོ་ཚོར་དགའ་ཕྱོགས་དེ་སྒྲུབ་མི་ཆོག་པའི་བཀག་རྒྱ་བཟོ་བ་རེད། སྒྲུང་ཐུང་འདིའི་ནང་གི་མི་སྣ་གཙོ་བོ་བུ་མོ་རང་གཤིས་ཅན་དེར་ཡང་སྐྱ་རྩལ་ཡོད་བཞིན་དུ་ཡུལ་མི་ཚོའི་སེམས་སུ་བུ་མོ་ཞིག་རྟ་རྒྱུག་འགྲན་རྩོད་ལ་ཞུགས་ན་ལྟས་ངན་ཞིག་ཏུ་འདོད་ནས་ཡུན་རིང་ལ་གོ་སྐབས་མ་སྤྲད། དེ་ཡང་ཧ་ལས་རྒྱུ་མི་འདུག་སྟེ། ང་ཚོའི་ཡུལ་ལུང་འདིར་ཡང་། བུ་མོ་ཞིག་གིས་མགོ་འཛིན་བྱེད་པའམ་མཛུབ་ཁྲིད་བྱེད་པ། ཡང་ན་སྐྱེས་པ་ཚོ་དང་མཉམ་དུ་འགྲན་སྡུར་སོགས་གང་རུང་དུ་ཞུགས་ཚེ་དེ་ལ་བཙོག་ལྟ་ལས་ཡག་ལྟ་བྱེད་སྲོལ་མེད། མ་བུ་མོ་ཐམས་ཅད་ངན་པར་བརྩི་ཞིང་དམའ་ས་ཞིག་ཏུ་འཇོག་པ་དེ་བུ་མོ་ཚོ་དེ་འདྲ་ཡིན་སོང་བས་ཡིན་ནམ། ཡང་ན་ང་ཚོའི་བསམ་བློ་གུ་དོག་སོང་བས་ཡིན།
བུ་མོ་རང་གཤིས་ཅན་དེས་རང་གི་དགའ་ཕྱོགས་རྒྱུན་འཁྱོངས་བྱས་པར་བརྟེན། ཆར་རླུང་ཁྲོད་ཀྱི་རྩྭ་ཐང་གི་མེ་ཏོག་རྐང་གཅིག་དང་འདྲ་བར་མཐའ་མར་ཁོ་མོ་ཀུན་གྱིས་བསྟོད་བསྔགས་དང་མཐེ་བོང་སྒྲེང་ས་ཞིག་ཏུ་གྱུར། བུ་མོའི་ལས་དབང་ནི་དངོས་གནས་མེ་ཏོག་ཅིག་གི་ལས་དབང་དང་ཤིན་ཏུ་འདྲའོ་འདོད།
གཏམ་རྒྱུད་དེ་ལས་ཀྱང་བུ་མོའི་ལས་དབང་ལ་སྤྱི་ཚོགས་དང་སྲོལ་རྒྱུན་ཁྲོད་དུ་མཐོང་ཆེན་མེད་པ་གསལ་བོར་བསྟན་འདུག ཡིན་ཡང་ཕུགས་བསམ་གཙང་མ་ཡོད་པའི་བུ་མོ་པདྨ་མཚོས་རྟ་རྒྱུག་ཁྲོད་དུ་དཔའ་རྟགས་བཞག་པས། མཐའ་འཁོར་གྱི་མི་རྣམས་ལ་སྔར་མེད་པའི་མིག་དཔེ་གསར་པ་ཞིག་བཞག་པ་རེད། འདིས་རང་ཅག་བུ་མོ་རྣམས་ལ་ལྟ་བ་གསར་བ་ཞིག་དང་རེ་བ་གསར་བ་ཞིག་བསྐྲུན་པར་ཐེ་ཚོམ་མེད། བུ་མོ་པདྨ་མཚོ་ལྟ་བུ་དགའ་ཕྱོགས་ཡོད་མཁན་དག་གིས་རང་ནུས་ཅི་ལྕོག་གིས་དགའ་ཕྱོགས་བསྲུངས་ན། མངོན་འགྱུར་ཐུབ་པའི་བསླབ་བྱ་གསོན་པོའང་ཤུགས་ནས་བསྟན་ཡོད།
གོ་བདེ་ཞིང་དོན་གསལ་བའི་སྒྲུང་གཏམ་འདི་བཀླགས་རྗེས། སྤྱི་ཚོགས་ཁྲོད་ཀྱི་མི་ཁ་ཅིག་ནི་བུ་མོ་ཚོའི་རྨི་ལམ་གྱི་བཀག་རྡོ་རུ་གྱུར་ཡོད་པ་བདེན་པས་བདར་ཆོག མ་ཟད་འདིས་ཆེ་ས་ནས་སྤྱི་ཚོགས་ཁྲོད་དུ་བུ་མོ་ཚོའི་གོ་སྐབས་འགོག་པ་དང་། ཆུང་ས་ནས་ཁྱིམ་ཚང་དུ་བུ་མོའི་མདུན་ལམ་ལ་འགོག་རྐྱེན་བཟོ་བ་དེ་ནི། བུ་མོ་ཚོའི་འཇོན་ཐང་རྒྱས་པར་མི་སྨན་པ་ཞིག་ཡིན་པའི་གནས་ལུགས་བཙན་པོ་བཤད་འདུག
དེ་བས། བུ་མོ་ཚོའི་གནས་བབ་ལ་ཤ་ཚ་དོན་གཉེར་དང་རྒྱབ་སྐྱོར་དོ་ཁུར་གནང་མཁན་གྱི་རྩོམ་པ་པོ་ཁོང་ལ་སྙིང་ཁོང་རུས་པའི་གཏིང་ནས་བཀའ་དྲིན་ཞུ་འདོད་སྐྱེས་སོང་།
ཕྱི་ལོ༢༠༢༡ལོའི་ཟླ༡༡ཚེས༧ལ
Topic: རྩྭ་ཐང་གི་མེ་ཏོག་རྐང་གཅིག
No comments found.
New comment
Name
Subject
Comment
Please copy this text: 51522302d615
Menu
གློག་ཀླད་ལས་འཆར། Computer Project
བྱིས་སྐྱོང་བསླབ་བྱ།
སྐད་ཡིག་བསླབ་བྱ། Quotes
བསླབ་བྱ་གྲགས་ཆེན། Famous Quotes
ང་ཚོའི་སྐོར། About us
བྱིས་སྐྱོང་སློབ་གསོའི་མན་ངག་གཅེས་བཏུས།
བྱིས་པའི་གླུ་གཞས། Children's songs
བྱིས་པའི་བརྙན་འཕྲིན། Videos
ཐ་སྙད་གསར་བ།new vocabulary
བོད་ཡིག་སྦྱོང་ས། Learning Tibetan
སྒྲ་ལྡན་བྱིས་སྒྲུང་། Stories on MP3
འདྲ་པར། Event Photos
ཚོང་ཁང་། Shopping
ལོ་རེའི་སྙན་ཐོ། Annual report
བྱ་འགུལ། Events
སྣ་ཚོགས། Variety
གཡག་རྒོད་དང་འབྲེལ་བའི་གསར་འགྱྱར། Wildyaks in the news
Search site
Search site
Contact
Administrator
416-453-9887
admin@wildyaks.com
Homepage
Site map
RSS
Print