wildyaks
Wildyaks
>
<<མཁས་སྒྲུབ་ཀྱི་བྱིས་སྒྲུང་པད་མཚོ>> བཀླགས་པའི་ཚོར་བ་དང་དཔྱད་མ་གཏམ།
<<མཁས་སྒྲུབ་ཀྱི་བྱིས་སྒྲུང་པད་མཚོ>> བཀླགས་པའི་ཚོར་བ་དང་དཔྱད་མ་གཏམ།
<<མཁས་སྒྲུབ་ཀྱི་བྱིས་སྒྲུང་པད་མཚོ>> བཀླགས་པའི་ཚོར་བ་དང་དཔྱད་མ་གཏམ།
བོད་ལ་སྒྲུང་བཤད་རྒྱུ་ཡོད་ཀྱང་བྱིས་སྒྲུང་ཞེས་པའི་ཚིག་འབྲུ་གཉིས་པོ་ནམ་ཞིག་བོད་ལ་དར་ཡོད་མིན་མི་ཤེེས། འོན་ཀྱང་ངའི་ཕ་མ་ཚོས་དཔེ་བཤད་ཟེར་བོད་ཀྱི་མེས་པོ་ཚོ་བརྒྱུད་ནས་དཔེར་ན་<<རི་བོང་བློ་ལྡན་དང་སྤྱང་ཀི>> སོགས་བཤད་པའི་དཔེ་དག་ལོ་ཁ་ཤས་ནང་ཡིག་ཐོག་ལ་བོད་ཕྱི་ནང་གཉིས་ནས་བཀོད་དེ་ཚང་མས་དེ་ལ་བྱིས་སྒྲུང་ཟེར་གྱིན་འདུག།
སྐབས་དོན་བྱིས་སྒྲུང་པད་མཚོ། ངས་ཐེངས་གསུམ་ལ་བྱིས་སྒྲུང་འདི་བཀླགས་པ་ཡིན། བྱིས་སྒྲུང་འབྲི་མཁན་དཔལ་ཤུལ་མཁས་གྲུབ་ཀྱིས་བྲིས་པའི་སྔར་གྱི་བྱིས་སྒྲུང་ལས་རྗོད་བྱེད་ཚིག་གི་ཆ་ནས་ཚིག་སྦྱོར་གཟེངས་སུ་ཐོན་འདུག་བསམ་བྱུང་། ལེགས་སོ་ཞུ། བརྗོད་བྱའི་ཆ་ནས་བྱེ་བྲག་རྔ་ཡུལ་གྱི་བཀོད་པ་དང་མཛེས་སྡུག་གི་འཚོ་བ་ཡུལ་མིའི་དད་འདུན་གྱི་རང་གཤིས་སོགས་བསྟན་ཡོད། རྩོམ་གྱི་ཁ་བྱང་གི་དབང་གིས་ངས་འདི་ཀློག་སྐབས་མགོ་ལོག་གླུ་མ་པད་མཚོ་ཡིད་ལ་བསྒོམ་བཞིན་བཀླགས་པ་ཡིན། དེ་ནི་སྒྲུང་འདི་ལ་སྤྲོ་བ་དང་ཚོར་བ་འདྲེན་པའི་ཆེད་ཁོ་ན་ཡིན། སྤྱིར་ན་རང་གཞན་གང་གིས་ཚོར་བ་མེད་པའི་དཔེ་དེབ་ཀློག་པ་ནི་དུས་ཚོད་འཕྲོ་བརླག་རང་རེད། བྱིས་སྒྲུང་ཡིན་ཀྱང་འདིར་གཙོ་བོ་བརྗོད་དོན་གཉིས་འདུག། གཅིག་ བུ་མོ་ཚོའི་གོ་སྐབས་དང་རང་དབང་སྐོར་རེད། འདི་ནི་ཧ་ཅང་གལ་ཆེན་རེེད། བྱིས་པ་ཚོའི་སེམས་ན་ཕོ་མོ་འདྲ་མཉམ་དང་རང་དབང་གི་བསམ་བློ་པར་སྐྲུན་ཐུབ་ན་དགེ་མཚན་མང་ལ་དུས་དང་མཐུན་པ་རེད། གཉིས་པ། རྟ་རྒྱག་གི་རྙོག་འཛིང་གཙོས་ཡོད་ཚད་བླ་མས་ཐག་གཅོད་དགོས་པའམ་བྱུང་བ་ལྟ་བུ་ཞིག་བྲིས་པ་འདི་ལེགས་སོ་ཞུ་རྒྱུ་མིན། ད་ལྟ་ནི་དུས་རབས་ཉེར་གཅིག་པ་ཡིན་པས་ཁྲིམས་གཙོ་བོ་འཛིན་དགོས་པ་ལས་བཀའ་གཙོ་བོ་མ་རེད། དེའི་ཕྱིར་བྱིས་པའི་སེམས་ངོར་དུས་དང་བསྟུན་པའི་བག་ཆགས་འཇོག་དགོས། སྤྱིར་ན་སྒྲུང་ལ་བརྗོད་བྱ་དངོས་དང་འབྲེལ་བ་ཡོད་མེད་ཅི་རིགས་ཡོད་ཀྱང། དེ་ནི་རྩོམ་གྱི་ཁྱད་ཆོས་དང་ཀློག་མཁན་གྱི་བསམ་བློ་ཁོ་ན་བསྟེན་ཡོད། ཉིད་ཀྱིས་བྲིས་པའི་སྒྲུང་དེས་ཚིག་རང་ལ་གོ་བ་བླངས་ན་རྔ་བ་རྔ་བ་ཞེས་མང་ཡང་གཞན་ལ་འབྲོག་པ་འབྲོག་རྐྱང་ལྟ་བུ་ཞིག་མཚོན་ཡོད། འོན་ཀྱང་དོན་དུ་རྔ་བ་ཞེས་པའི་མིང་འདི་ཆགས་ས་གཙོ་བོ་ནི་རོང་བའམ་ཞིང་བ་དང་འཚོ་བསྟེན་ནས་དང་རྩམ་པ་ཡིན། དེའི་ཕྱིར། དཔེར་ན་དོན་འགྲུབ་རྒྱལ་གྱི་སྒྲུང་རྩོམ་རོང་འབྲོག་གང་ལ་བསྐོར་ན་ཡག་རྒྱུ་དེ་གནད་དོན་འདི་ན་ཡོད། བཀུར་འོས་མཁས་གྲུབ་ལགས། ༼ཡོང་སྒོ་མེད་པར་ཁྱོད་ལྟ་བུ་བྱིས་སྒྲུང་དང་སྐད་ཡིག་གི་དོན་དུ་ལོ་མང་ཕྱག་ལས་གནང་མཁན་ནི་ངོ་མ་ཧ་ཅང་དཀོན་པོ་རེད།༽ དེའི་ཕྱིར་འདི་ནི་བསམ་ཚུལ་ཙམ་ལས་བསླབ་བྱ་དང་ཕྲག་དོག་རིགས་གཏན་ནས་མིན། ཞེས་རྔ་རྒོད་ཀྱིས་༢༠༢༡/༡༡/༧་དབྱིན་ཡུལ་ནས་བྲིས།
Topic: <<མཁས་སྒྲུབ་ཀྱི་བྱིས་སྒྲུང་པད་མཚོ>> བཀླགས་པའི་ཚོར་བ་དང་དཔྱད་མ་གཏམ།
No comments found.
New comment
Name
Subject
Comment
Please copy this text: 51522302d615
Menu
གློག་ཀླད་ལས་འཆར། Computer Project
བྱིས་སྐྱོང་བསླབ་བྱ།
སྐད་ཡིག་བསླབ་བྱ། Quotes
བསླབ་བྱ་གྲགས་ཆེན། Famous Quotes
ང་ཚོའི་སྐོར། About us
བྱིས་སྐྱོང་སློབ་གསོའི་མན་ངག་གཅེས་བཏུས།
བྱིས་པའི་གླུ་གཞས། Children's songs
བྱིས་པའི་བརྙན་འཕྲིན། Videos
ཐ་སྙད་གསར་བ།new vocabulary
བོད་ཡིག་སྦྱོང་ས། Learning Tibetan
སྒྲ་ལྡན་བྱིས་སྒྲུང་། Stories on MP3
འདྲ་པར། Event Photos
ཚོང་ཁང་། Shopping
ལོ་རེའི་སྙན་ཐོ། Annual report
བྱ་འགུལ། Events
སྣ་ཚོགས། Variety
གཡག་རྒོད་དང་འབྲེལ་བའི་གསར་འགྱྱར། Wildyaks in the news
Search site
Search site
Contact
Administrator
416-453-9887
admin@wildyaks.com
Homepage
Site map
RSS
Print